CABAZAS E CASTAÑAS!!!

O xoves 30, no patio do colexio, e como xa é típico nesta datas, fixemos unha degustación de castañas. É unha boa excusa para disfrutar da compaña de todos os compañeiros do colexio, algúns con disfraces terroríficos....
Tamén levamos a cabo en grupo, unha serie de actividades e xogos que os profes do cole organizaron para baixar todas as castañas que previamente comemos.

Ademais, uns dias antes, e coa axuda dos pais, os alumnos que así o decidiron decoraron cabazas para expoñer  no colexio e vivir un pouco máis o Samaín. Gracias as familias por colaborar coma sempre.

Que ricas estaban as castañas!

En cada recuncho do patio podíamos ver algunha personaxe terrorífica; menos mal que estaban tranquiliñas!

E chegou o momento máis divertido da xornada... OS XOGOS!

Será necesario agardar un ano para celebrar de novo o Magosto e o Samaín, pero de seguro merecerá a pena.

EXPOSICIÓN E OBRADOIRO DE PINTURA

O mércores 15 os alumnos de 5º e 6º curso fixemos a primeira saída cultural do curso 2014-2015. Foi ó Centro Sociocultural A fundación de Ferrol.

Alí tivemos a posibilidade de ver unha exposición composta por 52 obras, todas elas coa técnica de grabado,  dalgúns dos mestres da arte española do século XX, entre os que destacan Salvador Dalí, Pablo Picasso e Joan Miró.

Tivemos tempo de ver todas as obras, de xogar tratando de descubrir en grupo cal era o cadro do que nos deron certas pistas...

Aprendemos cales eran os útiles do grabado...

E puidemos practicar con eles.
Gubia ,tórculo, linolio... son só unha mostra dos materiais que empregamos.

O resultado foi moi satisfactorio, e a experiencia moi agradable e enriquecedora.

O linolio no que fixemos o grabado e o resultado unha vez estampado no papel.

Añadir leyenda

Mereceu a pena a pesar da cicloxénesis explosiva coa que nos topamos no camiño de volta ó colexio, non si?

INICIO DO CURSO 2014-15

 Aínda que pasaron máis rápido do que nos gustaría a todos, as vacacións de verán xa remataron e tócanos voltar á rutina. É por iso, polo que un curso máis os mestres do colexio Valle Inclán darémosvos a benvida a todos os alumn@s de EP o día 10 ás 9.30 h. Agárdovos a todos; pero xa vos poido anticipar algunha información como o horario deste curso, o material escolar que necesitaredes e a data da reunión de pais. Adianto que temos novidades, coas que sempre buscamos a mellora na calidade da nosa ensinanza.

HORARIO DE 6º CURSO

	LUNS	MARTES	MÉRCORES	XOVES	VENRES
9:00 9:50	MATE	LENGUA	MATE	INGLÉS	CDM
9:50 10:40	INGLÉS	INGLÉS	MÚSICA	MATE	LINGUA
10:40 11:30	EF	MATE	CDM	LENGUA	CIDADANÍA
11.30 12:00	R            E            C            R            E            O
12:00 12:20	L           E           C          T          U          R          A
12:20 13:10	CDM	LINGUA	EF	AT.EDTVA	CIDADANÍA
13:10 14:00	LENGUA	AT.EDTIVA	LINGUA	CDM	PLÁSTICA

MATERIAL ESCOLAR:

-          2 CADERNOS DE GRAMPAS  CADRICULADOS TAMAÑO DIN A-4 (C.Medio e Mate).

-          3 CADERNOS DE GRAMPAS  RAIADOS TAMAÑO DIN A-4 (Inglés, Lingua e Lengua).

-          1 CADERNO DE PENTAGRAMAS ANCHOS.

-          1 PAQUETE DE FOLIOS BRANCOS.

-          1 BLOC DE DEBUXO ARTÍSTICO.

-          2 CARTULINAS (unha branca e outra doutra cor).

-          MAPAS MUDOS DE GALICIA (2 físicos) e DE ESPAÑA (2 políticos e 2 físicos).

-          2 CARPETAS TIPO SOBRE DE PLÁSTICO TAMAÑO  A-4.

-          1 CARPETA DE FUNDAS DE PLÁSTICO TAMAÑO A-4.

-          REGRA, SEMICÍRCULO E COMPÁS.

-          FLAUTA (válida a dos cursos anteriores).

-          CERAS BLANDAS TIPO MANLEY (són válidas as do curso pasado).

-          Na mochila traerán diariamente outro material de uso personal como: lapis, goma, afia, tesoiras, pegamento, rotuladores, pinturas e bolígrafos (azul, negro e vermello).

REUNIÓN DE TITORÍA:

Coma todos os anos, faremos unha reunión cos pais que se realizará o día 29 de setembro ás 16.30h. Contamos coa vosa asistencia. Gracias pola vosa colaboración, un saúdo.

A titora:

 Fabiola Mouriz Rodríguez

FESTEXAMOS O FIN DO CURSO...

Só quedaban uns días de clase pero o sol e as altas temperaturas xa nos acompañaban, así que nada mellor que unha excursión ó parque acuático de Cerceda para alegrar os últimos días de clase.

Compartimos xogos, baños, e moitas risas.

Tamén conseguimos relaxarnos e esquencer por un día, o esforzo realizado durante o curso.

Esta é só unha mostra das fotos, se queredes velas todas, pincha aquí: FOTOS CERCEDA

Pero a excursión non foi o único que organizou o Valle Inclán 1 como despedida do curso adicado á auga, 2013-14;  decidimos que o broche final poñeríano a festa da espuma e unha serie de actividades da man dos alumn@s de secundaria.

 Os profes non fomos quen de librarnos do baño de espuma, sería unha vinganza?

                                      Resultou divertidísimo facer pompas de xabón xigantes

 Sorprendeunos o xogo do cohete, nunca fixeramos nada similar.

 Tamén puxemos a proba a nosa creatividade coa creación de murais con pulverizadores de pintura disolta en auga.

Asistimos a unha exhibición dos alumnos da ESO.

Os maiores ensináronnos unhas coreografías xeniais.

Rematamos cansos, pero mereceu a pena... durante o verán teremos tempo de descansar.

AQUÍ TEDES TODAS AS FOTOS!

BÓ VERÁN, E.... ATA PRONTO!