Un dos obxectivos que nos propoñemos no colexio Valle Inclán 1, é coñecer un pouco máis o noso entorno. E por iso organizamos unha saída moi especial: un paseo en lancha pola Ría de Ferrol.
O venres día 11, os alumnos de 3º ciclo de EP saímos do colexio para ir andando ata o porto de Curuxeiras, onde colleriamos a lancha.
Trátase da lancha, que todos os adultos de Ferrol ou proximidades, temos na nosa memoria, e que incluso temos utilizado para ir ata Mugardos. Sen embargo, para moitos dos nosos alumnos era descoñecida e na actualidade só funciona con regularidade nos meses de verán, principalmente como reclamo turístico.
Tivemos que agardar un pouco a que comezara a travesía, e mentres a profesora Maika falounos un pouco da nosa ría, da súa importancia e dalgunhas das cousas que poderiamos ver durante o traxecto en lancha. Calquer momento é bó para aprender!
Que puidemos aprender sobre a nosa ría?
A ría de Ferrol, donde desemboca o río Xuvia, sitúase entre os cabos Prioriño e Sagño, protexida dos ventos e temporais polos montes Ventoso e Faro. Xunto ás rías de Coruña, Betanzos e Ares, conforman o golfo Ártabro.
A súa situación, na parte septentrional dunha amplia ensenada, frente ó océano Atlántico, fan que a cidade goce un clima oceánico, con temperaturas suaves durante todo o ano e precipitacións frecuentes.
Ferrol desempeñou un papel importante na Historia de España posto que se convirteu no porto militar máis importante da península durante séculos.
En Ferrol, tiveron lugar numerosas batallas navais e incluso algún desembarco promovido polos exércitos ingleses
O porto de Ferrol xoga un importante papel na economía ferrolana. Tanto na dársena interior como a exterior, dase un importante movemento de mercancías, destacando a importanción de carbón para Endesa, de gas para a planta de Reganosa e de madeira para varias empresas. O porto exterior dispón de unha das maiores terminais de contenedores de Galicia.
Pero isto é só unha pequena parte de todo o que aprendimos.
Esta é unha pequena mostra das fotos que quitamos
