VISITA DO MAGO CALI

Xa case a punto de despedir esta semana chea da maxia ó estar rodeados de personaxe de contos e de historias fantásticas, só nos faltaba a visita dun mago. E asi foi, o mago Cali, estivo no colexio para aprendernos algúns dos seus trucos

Fixo trucos con panos de cores, cunha tarxeta simulando un dado, cunha botella, cun ovo, cun libro... Tamén nos amosou como gracias á papiroflexia podía "facer" moitísimos obxectos coñecidos.

Contou coa colaboración de varios alumnos e alumnas que disfrutaron ó máximo dese momento tan máxico.

Se queredes ver un fragmento da actuación deste mago coa axuda dun alumno de 5º, Yago, pinchade aquí.

Gracias ó Mago Cali, pasamos un momento espectacular, fantástico, incrible en en resumo MÁXICO.

23 DE ABRIL: DÍA DO LIBRO

O colexio encheuse de maxia para este día tan especial. Todos estabamos convidados a entrar nun mundo de fantasía onde os personaxes de libros compartirían con nós a xornada escolar.

Mortadelo e filemón, Brancaneves, Spideran, os tres porquiños, Snoopy, Manolito Gafotas, O Gato con botas, O flautista de Hamelin, Batman, Pluto.... e moitisimos más.

E porque un libro é un gran tesouro, e nós temos a sorte de poder disfrutar de moitos... , estabamos asi de felices.

Se queredes ver todas as fotos pinchade aquí

MÚSICA MAESTRO !

Hoxe foi unha mañá especial para os nosos alumnos/as do segundo e terceiro ciclo de primaria. Fomos invitados a asistir a un concerto no conservatorio de música de Ferrol. Asi que ali fomos.

Agardabamos ansiosos o comezo do concerto.

                                           

                   Trompeta, trompa, frauta, clarinete, óboe, fagot, tuba, trombón, saxofón, batería... son algúns dos instrumentos que puidemos ver.

O concertín fixo que os músicos afinasen os seus intrumentos, e despois da chegada do director comezou a soar a primeira peza: "o mundo pequeno é".
Presentáronos todos os instrumentos e a familia á que pertencían e puidemos escoitar estas pezas entre outras: cos clarinetes, Caillou e Ai si eu te pego. Co saxofón, a banda sonora da Guerra das galaxias e a Pantera Rosa. Con tódolos instrumentos xuntos, a de Pocahontas e a melodía de El señor de los anillos.

                                Ademais, soaron as melodías do Inspector Gadget, os picapedra...

Intre no que o Inspector Gadget estaba a comprobar que todo marchaba ben.

 As nosas expectativas sobre o concerto foron máis que superadas, posto que ademáis de aprender moito sobre os instrumentos pasámolo moi ben. Asi que non nos queda máis que agradecerlles ós músicos da banda infantil, que nos deleitasen coa súa música e agardamos que lles chegase a nosa admiración por medio dos aplausos que recibiron pola nosa parte.

XORNADA DE EDUCACIÓN VIAL

Hoxe os alumnos/as de primaria co Colexio Valle Inclán 1, puideron disfrutar dunha xornada de educación vial totalmente distinta. A actividade introducímola onte cunha sesión teórica a cargo dun exciclista profesional, o que nos explicou nocións básicas de ciclismo (por onde se circula coa bici; como se señaliza cando imos en ela, os principais perigos dos ciclistas na estrada) e achegounos un pouco máis ó ciclismo profesional (coñecemos a súa forma de vida, o tipo de alimentación que deben levar, en que consisten os entrenamentos, cales son os premios, etc.). En resumo, aprendimos moitísimo sobre este deporte.

A actividade continuaba hoxe, pero esta vez era una sesión práctica; polo que todos/as estaban moi ansiosos/os.   

Os alumnos e alumnas de segundo e terceiro ciclo de primaria, montaron nas biciclicletas, protexidos con cascos, e realizaron gymkhanas no patio do colexio para aprender a dominar a bicleta. Sortear obstáculos, carreira-lenta, aprender a dominar os frenos, etc.

Pero non só isto, senon que un equipo da TVG, do programa de "A Revista" acudeu ó colexio para filmar en directo dita actividade. Asi que estaban todos/as doblemente nerviosos.

A xornada sóubonos a pouco, e ó rematar a actividade, os alumnos e alumnas de 5º demandaban que non finalizase todavía porque querían seguir partipando nela. Noutra ocasión será, e esperamos que o tempo nos acompañe máis que esta vez.

Por outra parte, desta sesión de ciclismo serán seleccionados varios alumnos/as para que o 31 de agosto, día no que chega a Ferrol a volta ciclista a España, participen nunha Volta Junior. Ésta consistirá nun percorrido de dous kilómetros polo tramo final da Volta a España, que lles dará dereito a agardar ós ciclistas profesionais nunha zona especial que lles permitirá disfrutar deste acontecemento ó máximo.

Por todo isto, hoxe foi un dia grande, non credes?

Se queredes ver o programa no que se retransmitíu en directo esta actividade, fai click aquí.