SEMANA DA PRENSA

No colexio consideramos que o periódico é unha ferramenta única xa que sempre podemos adaptar algunhas noticias os distintos niveis educativos. Ademáis serve para motivalos e permítelles estar ó día e fomentar o seu espíritu crítico. Por tanto, dende o colexio fomentamos o uso da prensa na aula e tódolos martes, adicamos un tempo a mirar o periódico e analizar distintas novas. Asi que para celebrar a semana da prensa adicamos algún tempo máis que de costume a isto. Os obxectivos eran:

Fomentar o uso da prensa na aula; recoñecer as distintas seccións dun periódico; diferenciar entre feitos e opinións; situar no espazo e no tempo os acontecementos da actualidade, etc.

Asi que miramos varios periódicos, analizamos noticias, revisamos as distintas seccións, e prestamos máis atención que normalmente á publicidade (analizamos distintos textos publicitarios: cal nos chamaba máis á atención e se se debía á  imaxe, ó estilo da grafía, á cor...), e fíxámonos nas distintas caricaturas.

Asimesmo presentámoslles ós alumnos e alumnas de 5º sete razóns distintas polas que lles aconseñamos ler o xornal: 

1. Aprenderedes a escribir e a expresarvos mellor.

2. Estaredes infomados do que acontece ó noso redor e poderedes opinar sobre os distintos temas.

3. Poderedes reflexionar sobre a actualidade, ser máis crítico e que non vos den gato por lebre.

4. Entenderedes de que falan os maiores e poderedes discutir con eles sobre temas importantes.

5. Será o voso mellor libro de texto, distinto cada día.

6. Converterase na vosa novela favorita e irá con vós toda a vida.

7. Estaredes enteradados do que poñen no cine, na tele, que se leva esta tempada, como vai a Liga... e máis cousas que de seguro vos interesarán.

Son razóns suficientes para adircarlle un tempo a lectura do periódico, non vos parece?

Aquí vos deixo os enlaces de dous dos periódicos máis lidos na nosa comarca, se queres lelos só tes que pinchar aquí:

LA VOZ DE GALICIA (EN GALEGO)
EL DIARIO DE FERROLMostrar todo

SEGUNDO COMPROMISO

Coa chegada do mes de Marzo tiñamos que decidir un novo compromiso. Esta vez        a clase de quinto súmase á campaña de tapóns solidarios. Trátase da reciclaxe de tapóns de plástico que puxo en marcha ASPANEMI (Asociación de pais de nenos con minusvalía) en colaboración  con AEFAT (Asociación Española de Familiares de persoas con Ataxia Telangiectasia). O obxectivo da recollida de tapóns de plástico é que os beneficios da súa venta irán destinados a unha nena de Ferrol de 10 anos de idade que padece esta patoloxía.

Que sabemos sobre a Ataxia Telangiectasia?
É unha enfermidade pouco común da infancia, de tipo hereditario, que afecta ó cerebro e a outras partes do corpo. Por exemplo, afecta ós movementos, sendo estos moi descoordinados, como ó camiñar. Ademais, existe unha disminución do desarrollo mental que se detén despois dos 10-12 anos de idade. Infeccións respiratorias severas, etc.

Sen embargo, é difícil de diagnosticar, porque aínda que os síntomas poden aparecer sobre os dous anos de idade, éstes confúndense cos doutras enfermidades; e por isto    ás veces non se diagnostica ata a adolescencia. Actualmente non existe tratamento para esta enfermidade.

Que outros aspectos conseguimos con esta iniciativa?

Fomentamos a solidaridade, o traballo en equipo e potenciamos a reciclaxe medioambiental. 

Despois disto só me queda dicir:  

Gracias a todos os alumnos/as de quinto curso por recibir con tanto entusiasmo esta proposta, gracias ás familias, por anticipado, pola súa colaboración e moitas grácias ó resto dos profesores/as do colexio, asi como ós alumnos dos demais cursos por sumarse a esta iniciativa.