FESTIVAL DE NADAL

Decembro foi un mes moi axetreado: preparar os exames, decorar o colexio, ensaiar para o festival... pero mereceu a pena.

 Ao fin chegou o gran día e a pesar dos nervios quedamos satisfeitos co resultado.

Chegou o noso turno. Peluca, maquillaxe e roupa axeitada para a ocasión... todo estaba listo.

Tres, dous, un...que comece a acción

Obras de teatro, cancións, bailes, agasallos do amigo invisible, merendola cos amigos... todo resultou moi divertido. 

TEATRO PARA CELEBRAR O DÍA DA INFANCIA

 O 20 DE NOVEMBRO CELÉBRASE O DÍA UNIVERSAL DA INFANCIA posto que neste día do ano 1959 a Asamblea de Naciones Unidas aprobou a Declaración dos Dereitos da Infancia.

Os alumnos do terceiro ciclo, para conmemorar este día, asistiremos ao Jofre onde presenciaremos a obra de teatro "Endereitados"; promovida polo concello xunto coa organización internacional Unicef.

Ademais, na clase traballaranse unhas unidades didácticas relacionadas con este tema.

O obxectivo desta actividade é axudar a que os nenos tomen conciencia dos seus dereitos; así como contribuir á sensibilización da cidadanía sobre os problemas que existen no mundo

PARTIPAMOS NUNHAS XORNADAS DE CINE...

O martes día 12, os alumnos do 3º ciclo, deixamos aparcados unhas horas os libros para ir  ao Teatro Jofre . Alí participamos nunhas xornadas de cine Infantil en Educación e Valores, promovidas pola Fundación Lumièr. O obxectivo desta actividade extraescolar é empregar o cine como ferramenta para formar aos nenos nunha serie de valores que lles resultarán moi importantes no seu crecemento.

Antes da proxección, unha monitora fixo unha breve introdución sobre a película, e ao finalizar levouse a cabo un pequeno debate no que participamos todos os colexios que estabamos presentes.

A película emocionou a maoiría dos asistentes á proxección e fíxonos tomar conciencia de valores como a amistade,  superación, integración e tolerancia. 

Creo que mereceu a pena, non si?

O MAGOSTO E O SAMAÍN CHEGA Ó VALLE INCLÁN

	Pincha no seguinte enlace: SAMAÍN ANTECEDENTE DO HALLOWEEN O mércores 30 celebramos no colexio o Magosto e o Samaín. As paredes do centro xa anticipaban dende os días anteriores, estas celebracións. Na realización dos distintos decorados  participaron todos os nenos e nenas de EP Fixemos unha exposición de cabazas que os nenos fixeron nas súas casas coa axuda dos seus pais e nais.    Chegou o momento máis agardado da xornada, a desgustación de castañas asadas. Deliciosas!   Despois de repoñer forzas, aproveitamos esta mañá soleada, levando a cabo distintos xogos no patio exterior do colexio. Unha boa excusa para fomentar a participación, o compañeirismo, a aceptación de normas, cooperación, etc. Resumindo, disfrutamos moitísimo de todos as actividades e de seguro que, coma todos os días, aprendemos algo novo.